Mundo D'áos

N’ tarda nota
Cuma é mundo e cansado
Sintimento humano
E ca fácil n’ tindi

Hómis na mata cumpanher
É na guerria na mundo paqué
Géraçons na cabádu quél
Mámés na pirdi sé fidjus

Que na distranha es mundo
Mindjor n’ disparsi
Pan n’ ca sufri

Pabia di ambiçon di hómis
Que cata cudji qué di dana
Pa’ cumpu qué cu na da elis ganho
Matu na caba púbis na muri
Limárias na dispárci
No mundo é na dana

Findjimenti na hómis
Ta fassim cudadi
N’ pidi Deus pa nha sintido sussega
Pan ca tem di pensa
Na dizigualdadi di mundo
Diferença di branco cu prétu
Rico cu pobri
Que nha púbis

Nó da mon nó cumpu un naçon