Strada (part. Fattú Djakité)

Desdi sempre é obi ta fladu ma strada é prigu
Obi txeu storias tudu ku vidas perdidu
Inkuti medu na menti dum kriansa
Inganal ku um verdade é pa si propi seguransa
El é menina di ses odjus na olhar di pai
El é prinseza di Disney na olhar di mai
Primeru dia di skola empolgada ku gana sai
Kuasi e skesi di lanxi pamodi e kre bisti bata i bai
Txiga la na skola kontra ku se kolega
Fazi kel brinkadera kes kombinaba na feria
Sino toka, rekreiu kaba, torna volta pa aula
Ruma bolsa i antis baza da beju na se pursora
Kaminhu kasa, asidenti, tudu para
Vitima era inosenti e derepenti sonhus paga
Um pe na aselerador es pol travon na se vida
I ku odju kuasi ta fitxa e obi se mai ta grita

Hey flam kuze ki bu bai fazi la
Flam kuze ki min ta fazi gosi
Pamó ki strada leva nha fidju?
Hey flam kuze ki bu bai fazi la
Flam kuze ki min ta fazi gosi
Pamó ki strada leva nha fidju?

Desdi sempre n kurti karu n kurti velosidadi
Prumeru bes mi na volanti, menor di idade
Na nha kasa ku rapeipas, fezada suave
Dexa velhu deta i da ku mo na xavi
Sem pensa na konsekuensia di kes tempu
Tempu pasa ma kel paixão fika li dentu
I oji em dia, donu nha karu nsa na via
Kalka pe la fundu, xinti kel adrenalina
Som altu, vidro baxu xa koluna papia
180 na kuadrante xa ponteru deta
Sem folga strada pidi pam kalkal
Nem kebra mola inda n ka odja num sinal
I derepenti kel kriansa na nha frente
Sem tempu di riaji pam evita asidenti
Um pe na aselerador n poi travon na nha vida
I ku odju kuasi ta fitxa n obi kel mudjer ta grita

Hey flam kuze ki bu bai fazi la
Flam kuze ki min ta fazi gosi
Pamó ki strada leva nha fidju?
Hey flam kuze ki bu bai fazi la
Flam kuze ki min ta fazi gosi
Pamó ki strada leva nha fidju?

Hey flam kuze ki bu bai fazi la
Flam kuze ki min ta fazi gosi
Pamó ki strada leva nha fidju?
Hey flam kuze ki bu bai fazi la
Flam kuze ki min ta fazi gosi
Pamó ki strada leva nha fidju?