Lidia Maríana

Oime la ñande raity amo ka'aguy po'ipe
Atechava'ekue kapi'ipe ha ipiro'ysã asy
Ijerére umi yvoty ndejoguaha memetéva
Ha oĩme ku iporãitéva rosa pytãite poty

Jahána upépe jaiko katuete pype javy'ata
Mba'éichaiko che aháta aiko che añorei
Jaháta mante voi che rayhúro añete hape
Jaikóne tory vy'ape ñane año mokõimi

Ko'arupi ko heta mayma gente iñañáva
Ha'ekuéra ko oipotáva jajei ojoehegui
Hi'ãgui chupe ombyai pe mborayhu iporãitéva
Ñandéko jajoayhuetéva ndaikatui jajopoi

Ajépa Lidia Mariana oime ku Adán ha Eva
Ha'ekuéra ku ojehayhuetéva, ikatu ñandéicha peve
Umía ñande ypykue ou va'ekue mundo pýpe
Ko'ágã péina hasýpe oĩ la hekoviare