Ê Si Própi

É si própi ki n ta krê
É si própi ki n ta gôsta
É si própi ki n ta krê
É si própi ki n ta gôsta

É si própi ki n ta krê ia iam
É si própi ki n ta gôsta
É si própi ki n ta krê na mundu
É si própi ki n ta gosta

Ah kanádja ami xintadu na poial
Ah paxenxa n obi som di gaita ta balansa
Ah karámba n obi som di féru ta zinin
Ah na mundu mâ nôbidadi mandâ-m rekádu

Ma nha Flána ku nhu Máfi
Lâmbuxádu na txadinha
Kusas da na kláru
Finka pé manda-u mantenha
Ma nhôs nu poi na kompasu
Pôi na kompasu ku nós
N ta pila katuta má
Ma n ta pila ta pila-m barsera

Djack ku David dôs amigo tempu bédju
Rapásis ta sorokôtxa
Gôrgoleta na som di gaita
Spéra tardi txinga noti
Kôba regu ti ki manxi
Bota bagas ta spéra leti
Kuskus kenti midju terra

Dja nhôs pô sabi na korpu
Dja nhôs ramantxa kabesa
Porta sarradu
Kombersu mansu ti ki manxi
Têm pedra penêdu
Têm pedrinha penedôm
Pô ká skôrega
Bú ta skôdji na kal ku ta xinta

Ah kanádja, xintádu riba madôrna
Skapádu brásu skorregadu na ladêra
Korpu rapia-m nem sê na ferbura bu da-m
Ora dja da-m pam bá txada ôbi misa

Ah kanádja, xintádu riba madôrna
Skapádu brásu skorregadu na ladêra
Korpu rapia-m nem sê na ferbura bu da-m
Ora dja da-m pam bá txada ôbi misa