Aichejárangai ko che

Itriste péicha aiko
Ha'e añeponderávo
El desprecio ku ahechárõ
Apukánte chejehe
Si oimétagui añete
Amerecé toryjárõ
Ha'éva añeconsolávo
¡Aichejárangai ko che!

Ahendúko oje'érõ
Cherehe mitã letrado
Ha tuicha equivocado
Umíva la oñe'ê
Porque cheichaguápa oiméne
Ko yvy ári otro inocente
Oikovéva noblemente
¡Aichejárangai ko che!

Ndaje-quejái de mi suerte
Aviví tranquilamente
Sino chéve hi'ãitente
Ajuhu cherayhuha
Aikohag̃ua avy'a
Pe peê pevy'aháicha
Anive aiko ko'ãicha
Che rekove aquebrantá

Oimérõ pende apytépe
Peteî cherayhumíva
Trigueñita, rubiamíva
Pejamína cherehe
¿Napepenáirõ mavave piko
Mba'éanga che ha'éta?
Más que kóicha apurahéita
¡Aichejárangai ko che!