سبع سعادات (sabeh saadat)

هو لوحده اضيع كباله
وصافن ابقى من يحجي
هذا الاكبر من احلامي
ما يتقارن والله بشي
مسك الختام

من يضحكلي تهون الدنيا
وتحلى عليه من يضحك
لاكي الراحه بين احظانه
حقي بحبه اتمسك
وانهي الكلام

مرات مرات
شخص يمحي الخسارات
ينسيك شغلات
على النسيان صعبات
يمليك لحظات عشك
وايام حلوات
ينطيك حضنات وهنا
وسبع سعادات

جنت اتمنى عيونه الحلوة
تدخل عمري وتحلي
حبيته وفضّلته عليه
اقرب اليه من اهلي
ومن كل قريب

هو صباحي وهو مسائي
وكل اجوائي وياه حلوه
بتعبي واصعب اشكالاتي
اسند كلبي عليه هو
بيتي وحبيب

نظرات نظرات
كفيلة تعوضك الفات
لو كال كلمات
اريد احضن الكلمات
قرّب مسافات
واجه يملي الفراغات
وانطاني حضنات وهنا
وسبع سعادات

مرات مرات
شخص يمحي الخسارات
ينسيك شغلات
على النسيان صعبات
يمليك لحظات عشك
وايام حلوات
ينطيك حضنات وهنا
وسبع سعادات