Touristn

mama -
hoi s dirndlgwantl
ram viara de wuchzlmandl
tua s funktelefon ins lerchnkastl
und nåchand holst en perchtnwastl
åba ziach n zinftig o
de touristn send då
seppe
tua s skriptum weg
fåhr zan billa åbe
hoi an speck
setzts en goaßbock
auf es gweih
schålts es panorama ei
werfts es ålpnglühn o
de touristn send då
date
es echtlengfeld
wecht a erlebniswelt
mehrau und echtleng klaubn
seg wecht de fremdn taugn
holts a tåfe schreibs drån:
dig your own potato
nane
kimm setz ma n trend
måch ma a geils event
tråchtn-rave-mega-ålm
extasy-butta-wålgn
go kasmandl go
de touristn send då