Jajoayhueténgo ñande

Rehechámivapa nde
Umi guyra ojoayhúva
Ñomochichîme oikóva
Peichaite hína ñande

Vy'apópe ku jaiko
Isarakíva mitãicha
Pochy rangue pukavýpe
Jajoayhueténgo ñande

Aveípa rehecháva
Amambái hogue kyrỹiva
Culantríllondi ojoypýpe
Ovy'a oñondive

Peichaite hína ñande
Ñane ãnga oñontendéva
Ñomoñe'ême jaikóva
Jajoayhueténgo ñande

Péina amo jasy mimbi
Estrellakuéra ijykére
Ñanderehe oñatendéva
Ohecháre jajoayhu

Aniangakéna reju
Rembopochy nderayhúva
Eñatendéke, mi vida
Jajoayhueténgo ñande

Aveípa rehecháva
Amambái hogue kyrỹiva
Culantríllondi ojoypýpe
Ovy'áva oñondive

Peichaite hína ñande
Ñane ãnga oñontendéva
Ñomoñe'ême jaikóva
Jajoayhueténgo ñande