Koyi Duur Bajaaye Baansuri

koyi duur bajaaye baansuri
chhede dil ke taar, raat hai milane ki
jaaguun ab tak main baavari
soye sab sansaar, raat hai milane ki

tan ki sudh bisaraaye more man ka chain churaaye
aag lage ye bairan man ke soye dard jagaaye
tarasaaye sukh ki chaandani
tarase ghaayal pyaar, raat hai milane ki

jo saajan ke paas hain unako ye rut hi kal laage
jisaka pritam dukh de chala vo na soye na jaage
chhalake nainan ki gaagari
man se uthe pukaar raat hai milane ki