Karta D'Alforia

Baxu núven, téra séku, N teni sedi
Ku speransa txuba ta kai
Na bu ladu, N sa guardadu, abensuadu
Kurason sa na lévi
Porton di séu N sabi mo ta abri
Kaminhus longu N sabi N ta sigi
Pa N txiga fin, novu kumésu pa mi
Na bu ladu, libertadu, ka ten nada más sábi
Ónti N sunha ku kel dia ki N ta xinti free
N obi bu vos na nha xanéla ta fla-m pa N sai
Bu fla-m des kuza sábi ki sénpri N ten ki sigi
Sende-m un xama fórti bibu lógu déntu mi
Bo é kaminhu di justisa, pas i liberdadi
(So bo k'é salvason pa nos kumunidadi)
Bo é kaminhu di justisa, pas i liberdadi
(Karta d'alfuria pa umanidadi)

Dia ki tudu kai, láguas baza di mai
Forsa kaba na pai (ganha karta d'alfuria)
Dia kunpri kel lei, livru abértu pa rei
Nton N ta pensa na bai (ganha karta d'alfuria)
Ma nkuantu N sa bibu, nha vida é di Kristu
Ku txeu sakrifísiu (ganha karta d'alfuria)
N kre afasta di lixu, maldadi, sinismu
(Nhos perdua-m pa nhas pekadu) (ganha karta d'alfuria)

Mi é pirigrinu, N teni txabi di paraízu krabadu na xintadu
Lus ki ta abita nha kaminhu
Mi é fujitivu, nha pe sa karegadu spinhu
Kada vitória ten sakrifísiu, nha bolsu sénpri ten lensinhu
Mi é prétu finu
N ka toka nunka na identidadi ki ta movi nha rialidadi
N manti sénpri na umildadi
N kre séti fidju pa N da-s amor, libra-s di falsidadi
Forma-s ómis di verdadi pa konpleta nha distinu, Kino
Txoma-m sinplisidadi, ta blof, mo black Albinu
Mama fla: fidju, kudadu ku kes xibu, ie
Nha pai bai sedu, N manti sénpri sakédu
N luta ku vísiu, batóta, games ku matrankilu
Déntu Zóna Pónta, N kontra ku kapeta tudu dia
Ma nha fe é más grandi, ka dexa-m pa N kai na porkaria
Subriviventi [?], k'o julga nhas disizon
P'o nunka ka xinti bu mo na mumentus di frustason

Dia ki tudu kai, láguas baza di mai
Forsa kaba na pai (ganha karta d'alfuria)
Dia kunpri kel lei, livru abértu pa rei
Nton N ta pensa na bai (ganha karta d'alfuria)
Ma nkuantu N sa bibu, nha vida é di Kristu
Ku txeu sakrifísiu (ganha karta d'alfuria)
N kre afasta di lixu, maldadi, sinismu
(Nhos perdua-m pa nhas pekadu) (ganha karta d'alfuria)

Albes N ta xinti mi so riba des mundu imensu
Kastigadu pa sulidon ki ta nvolvi nha univérsu
Un kasador, un piskador di sonhus, di pizadélu
Un sunhador, un puéta sin lírika, sin afétu
Kurason ta txora kuazi tudu óra
N ka ta suporta krueldadi frénti di nha pórta
Jóvens ta mori pamó dróga, minís ta nvolvi pa dos nóta, so txokóta
Praia é prigu móda [?]
N pensaba ma ómi podi midjora situason
Ma ngana kantu N xinti [?] na nha kurason
Ka ten gubérnu pa salba-nu, resta so distruison
[?] nvéja i ódiu di kes bu irmon
N pensaba ma skóla éra un grandi suluson
Ma N panha disipison, kuazi ki N kai na dipreson
Ma la na fundu túnel, N xinti lus di salbason
Kantu N pui duedju na txon i N ntrega bida na bu mon

Dia ki tudu kai, láguas baza di mai
Forsa kaba na pai (ganha karta d'alfuria)
Dia kunpri kel lei, livru abértu pa rei
Nton N ta pensa na bai (ganha karta d'alfuria)
Ma nkuantu N sa bibu, nha vida é di Kristu
Ku txeu sakrifísiu (ganha karta d'alfuria)
N kre afasta di lixu, maldadi, sinismu
(Nhos perdua-m pa nhas pekadu) (ganha karta d'alfuria)

Ganha karta d'alfuria
Ganha karta d'alfuria
Ganha karta d'alfuria
Ganha karta d'alfuria